Regional and language options – Ərazi və dil parametrləri. (2)

Keyboards and language – Klaviatura və dillər səhifəsidir ki, buradan həm komputerin dilini, həmdə klaviatura dilini dəyişə bilərik.

Əgər əməliyyat sistemi üçün interfeys dili yüklüdürsə həmin dilidə bu səhifədə Choose a display language – bölümündən dəyişə bilərik. Dili dəyişdikdən sonra ok düyməsini vurub komputeri yenidən başladırıq. Və komputer restart olunduqdan sonra əməliyyat sistemi seçdiyimiz dildə açılmış olacaqdır.

Klaviatura dili əlavə etmək və ya dəyişmək istəyiriksə Change Keyboards düyməsini seçirik.

Açılan dialoq qutusunda yazı proqramında hansı dilin hər zaman aktiv olunmasını istəyiriksə default input language sahəsində istənilən dili seçirik. Dil panelinə yeni dil əlavə etmək üçün qutuda Add əlavə et düyməsi seçilir.

Languages - Dillər.

Qeyd: Bu bölümdə tapşırıqlar zolağında yerləşən dil bölümünə dil əlavə edə bilərik.

Bunun üçün Language-details (detallar) – add – input language (dil daxil etmək) bölümündən dili seçib – ok – apply vururq.

Add input language qutusunda əlavə edəcəyimiz dil növünü qeyd edib Preview – düyməsi ilə qeyd etdiyimiz dilin ekranda klaviaturasına öncədən baxışı təmin edirik.

Bu səhifədə remove – düyməsi seçilən dili silir. Move Up və Move Down düymələri ilə də dil bölümünün yerini müəyyən edir.

Daxil etdiyimiz dili silmək üçün dili seçib Remove düyməsini seçirik.

Language bar – səhifəsində dil panelinin yeri müəyyən olunur.

Floating on Desktop – dil panelini işçi stolu üzərində yerləşdirir.

Docked in the taskbar – dil panelini tapşırıq zolağında yerləşdirir.

Hidden – dil panelini gizlədir. Əlavə olaraq əgər biz dil bölməsində 1 dil saxlayarıqsa o zaman taskbar üzərində dil zolağı gizli olur.

Show additional language bar icons in the taskbar - əgər bu əmr aktiv olarsa dil bölümü işçi stolunda yerləşdiyi zaman istifadə olunmadıqda şəffaf şəkildə, yəni qeyri aktiv görünəcək.

Show additional language bar - aktiv olduğu zaman dil bölümünün köməkçi elementləri tapşırıq zolağında aktivləşəcək.

Show text labels on the language bar - dil bölümündə element işarələrinin adları tam şəkildə göstərilmiş olacaq.

Advanced key settings – genişləndirilmiş klaviatura parametrləri səhifəsində To Turn Off Caps Lock – bölməsində Caps Lock düyməsinin Caps lock və ya Shift düyməsi ilə söndürülməsini təyin edirik.

Dil bölümündə olan hər bir dil üçün klaviaturada köməkçi düymələr vasitəsi ilə dəyişmə imkanı təyin etmək üçün Hot key for input language Change key sequence – klaviatura dilinin düymələr vasitəsi ilə dəyişdirilməsi seçilir. Key settings – açarları qurmaq. Klaviaturadan köməkçi düymələr vasitəsi ilə dil bölümünü dəyişmək mümkündür.

Not assigned – klaviaturada heç bir qıssa yol seçilmir.

Alt + Shift

Ctrl+Shift

Grave accent (`) – vurğu işarəsi yazı dillərini bir dəfə dəyişir.

Qeyd: Dil bölümünün taskbar-da görünməməsinin 3 səbəbi ola bilər.

Dil bölümündə yalnız bir dil olarsa (seçmə imkanımız olmazsa).

Taskbar üzərində sağ düymədə toolbar – Language bar komandası qeyri aktiv olarsa

Hidden (gizlət) - əmri aktiv olarsa.