Windows 7 əməliyyat sistemində pəncərələrin quruluşu

Windows əməliyyat sistemi demək olar ki, pəncərələrdən təşkil olunmuşdur. Bu pəncərələrin hamısında ortaq interfeys (quruluş) mövcuddur. Pəncərələrin quruluşu aşağıdakı kimidir:   

I. Title bar – başlıq zolağı. Başlıq zolağında mausun sağ düyməsin bir dəfə vurmaqla, klaviaturadan isə Alt + Space düymələri ilə pəncərə menusunu (control menu) aça bilərik. Pəncərə menusunda aşağıdakı komandalar yerləşir :

Minimize Alt + Space + N – maksimum kiçiltmək, gizlətmək. Bu komandanı seçdiyimiz zaman açıqda olan pəncərə taskbarda yerləşir (gizlənir). Yenidən həmin pəncərəni açmaq üçün taskbarda yerləşən pəncərənin adı üzərində sol düyməni 1 dəfə vurmaq lazımdır.

Maximize Alt + Space + X – maksimum böyütmək. Bu komandanı aktiv etdikdə pəncərə tam böyüyür. Maximize əmrini düymələri və başlıq zolağında sol düyməni iki dəfə vurmaqla da aktiv edə bilərik. Restore down Alt + Space + R – bərpa etmək, yəni pəncərəni tam böyütməmişdən əvvəlki vəziyyətinə qaytarmaq.

Size – pəncərənin ölçüsünü dəyişmək.

Move – pəncərənin yerini dəyişmək, yəni daşımaq. Pəncərəni bir yerdən başqa bir yerə daşımaq üçün başlıq zolağında sol düyməni sıxılı saxlamqla daşıya bilərik.

Close Alt + F4– pəncərəni bağlamaq.

Pəncərə menusunda yerləşən Minimize, Maximize və Close əmrləri həmçinin başlıq zolağının sağ küncündə də yerləşir.

II. Address – ünvan bölümü. Açılan pəncərənin ünvanı yerləşir.Bu bölüm vasitəsilə açıqda olan pəncərəni bağlamadan başqa bir pəncərəyə keçə bilərik.

Search-axtarmaq. Kompyuterin yaddaşında olan hər hansı bir məlumatı axtarmaq üçün bu bölümdən istifadə olunur.

III. Menu bar – menyular zolağı. Məs: File, Edit, View və s.

IV. Toolbar – alətlər zolağı. Bu zolaqda aşağıdakı komandalar yerləşir

Organize – təşkil etmək. Bu menyunun tərkibinə məlumatlar üzərində daşıma, silmə, yenidən adlandırma və s. əməliyyatlar aparmaq üçün əmrlər daxildir.

Properties – xassələr, xüsusiyyətlər. Seçilən qovluq və ya fayl haqda məlumat verilir. Məs: Daxil etdiyimiz daşıyıcıda boş və ya dolu olan yerlərin tutumunu bu bölümdən öyrənə bilərik.

System Properties – sistem haqqında məlumat. Bu bölümdə kompyuterdə qurulu olan Əməliyyat sistemi, RAM və CPU – nun tutumunu öyrənə bilərik. Bu bölümə 3 yolla daxil ola bilərik:

Uninstall or change a proqram – Proqramı silmək və ya dəyişdirmək. Bu komandanı seçdiyimiz zaman kompyuterə sonradan yüklənən proqramların siyahısı açılmış olur ki, istənilən bir proqramı seçib Uninstall seçməklə proqramı silmək, Change seçməklə dəyişdirmək olar. Məs: Corel Draw 12 proqramının versiyasını Corel Draw 15 versiyasilə dəyişdirə bilərik.

Open control panel – nəzarətçi paneli açmaq.

V. Navigation Pane – idarə paneli. Bu paneldə kompyuterin yaddaşındakı sürücü və qovluqlar yerləşir.

VI. Preview pane – öncədən baxış paneli. Seçilən bölüm daxilindəki komandaları bu panel vasitəsilə görə bilərik.

QEYD: Əgər Organize → Layout → Preview pane komandası qeyri aktiv olarsa bu panel görüntüdə olmaz.

VII. Details pane – təslifat zolağı. Seçilən bölümün tərkibi haqda məlumat bu zolaqda öz əksini tapır.

QEYD: Əgər Organize → Layout → Details pane komandası qeyri aktiv olarsa bu panel görüntüdə olmaz.

VIII. Status bar – vəziyyət zolağı.

QEYD: Əgər View → Status bar komandası qeyri aktiv olarsa bu panel görüntüdə olmaz.