Word proqramının pəncərə quruluşu

Word proqramının pəncərə quruluşu aşağıdakı kimidir.

1. Title bar - Başlıq çubuğu. Burada proqramın adı və element işarəsi yerləşir.

Bu bölümün sağ tərəfində (minimize, maxmize, close, restore down) əmrləri yerləşir. Sol tərəfdə isə Customize Quick Access Toolbar adı altında qısa yol komandaları yerləşir. Aşağıdakı ardıcıllıq vasitəsilə Customize Quick Access Toolbar sürətli müraciət alət zolağını aşağıda və ya yuxarıda yerləşdirə bilərik.

Menu bar üzərində mouse-nin sağ düyməsi→Show Quick Access Toolbar Below (Above) the Ribbon

Customize Quick Access Toolbar→Show below (above) the ribbon

File →Options→Quick Access Toolbar→Show Quick Access Toolbar Below (Above) the Ribbon

2. Menu bar -Menyular çubuğu (9 əsas menyu var). Məs: Home, İnsert, Design, Page Layout və s.

Qeyd1: Menyulara daxil olmaq üçün 4 yoldan istifadə olunur: İstənilən menyu üzərində mausun sol düyməsini bir dəfə vurmaqla; menyu bar zolağında mausun diyircəyini firlatmaqla; klaviaturadan F6 düyməsini iki dəfə və Alt, F10 düyməsini bir dəfə vurmaqla menyular üzərinə hərf başlıqlarını görüntüyə gətirə bilərik ki, bu zaman klaviaturadan Alt düyməsini sıxılı saxlayıb qeyd olunan hərfi vurmaqla menyulara daxil ola bilərik. Məsələn Alt+H, Alt+N, Alt+R və.s

3.Ribbon Lentlər zolağı bu bölümü görüntüyə gətirmək üçün menyu lenti üzərində sağ düymə→Collapse the Ribbon. Qısa yolu Ctrl+F1 və ya menyu lenti üzərində sol düyməni 2 dəfə vurmaqla.

4. Horizontal ruler - Üfüqi xətkeş.

5. Vertical ruler - Şaquli xətkeş.

Qeyd: Üfüqi və şaquli xətkeşlər vasitəsilə mətnləri müəyyən istiqamətlərdə hərəkət etdirə bilərik.

6. Horizontal scroll bar - Üfüqi sürüşdürmə çubuğu (bu bölümün görüntüyə gəlməsi üçün səhifənin faizi 160%-dən çox olmalıdır.)

7. Vertical scroll bar - Şaquli sürüşdürmə çubuğu.

8. Show Text Boundaries - Mətn sərhəddi. Mətn sərhəddini görüntüyə gətirmək üçün Menu bar üzərində sağ düymədən - Customize Quick Access Toolbar→ Advanced → Show Text Boundaries aktivləşdirilir.

9. Status bar - Vəziyyət çubuğu. Aşağıdakı komandalar yerləşir.

1. Page - Kursorun yerləşdiyi səhifə nömrəsi və sənəddəki səhifələrin sayı.

2. Words - Sözlərin sayı.

3. Proofing - Qrammatik səhvlərin yoxlanılması. F7

4. Dil bölümü.

QEYD 1: Page, Words, Languages və s. bölümləri status bölümü üzərində sağ düymədən görüntüyə gətirib, yaxud görüntüdən itirə bilərik.

Read Mode - Tam dolu ekran, ikili səhifə görünüşü.

Print Layout - Çap görünüşü.

Web Layout - İnternet görünüşü.

QEYD2: Word sənədinin normal görünüşü Print Layout - dur.

Zoom-Miqyas. Səhifənin faizlə ölçüsünü dəyişir, lakin standart səhifə ölçüsü 100% - dir. (Səhifənin faizini max 500%, min 10% artırıb, azalda bilərik.)

QEYD 3: Hər hansı sözü seçmək üçün → mausdan və ya Ctrl + Shift + →, Ctrl + Shift + ← düymələrindən istifadə olunur. Sözü seçmənin ən asan yolu istənilən söz üzərində durub Mouse-un sol düyməsini iki dəfə vurmaqdır. Mausun sol düyməsini sənəd üzrində 1 dəfə vuranda kursor tıkladığımız yerə gəlir, 3 dəfə vuranda paraqrafı seçir, Kursorun olduğu yerdən mətnin sonuna qədər olan sahəni seçmək üçün Ctrl→Shift→End, kursorun olduğu yerdən mətnin başlanğıcına qədər olan sahəni seçmək üçün Ctrl→Shift→Home düymələrindən istifadə olunur.

QEYD 4: Sətri seçmək üçün → mausdan və ya sətrin sonunda durub Shift + Home, sətrin əvvəlində durub Shift + End düymələrindən istifadə olunur.