Microsoft Word 2013

Microsoft Word – mətn prosessoru olub, müxtəlif mürəkkəblik dərəcəsinə malik sənədlərin yığılması, redaktə edilməsi, tərtibatı və çap edilməsi üçün istifadə edilən və həm klaviatura, həm də maus vasitəsilə asanlıqla istifadə edilən ən geniş yayılmış mətn redaktorlarından biridir. Word proqramı sənədlərlə işləmək üçün istifadəçiyə aşağıdakı imkanları verir:

Mətnin yığılması, ekranda baxılması və səhvlərin düzəldilməsi;

Mətnin hissəsinin hərəkət etdirilməsi;

Müxtəlif növ şirftlərdən istifadə edilməsi;

Tərtib olunan sənəddə şəkillərin, dioqramların, düsturların, 

cədvəllərin və digər başqa obyektlərin asanlıqla istifadə edilməsi;

Səhifələrin nömrələnməsi, başlıq və sonluqların daxil edilməsi;

Mündəricatların hazırlanması;

Mətndə istifadə olunan sözlərin avtomatik tapılıb dəyişdirilməsi;

Bir neçə sənədin eyni vaxtda redaktə edilməsi və s.

Word proqramının bir neçə versiyaları var – 2000, 2003, 2007, 2010, 2013 versiyalarıdır. Ancaq bizim istifadə etdiyimiz 2013 versiyasıdır. Word proqramı digər adlara görə də tanınır.

 1. Microsoft Word      2. MS Word       3. Winword

Mətn redaktorlarının görünüşləri təxminən eynidir. Yəni bu proqramların əsas hissələri mətn daxil edilən ərazi və menyulardır. Menyulardan əlavə alətlər paneli və xətkeş də mövcuddur. Alətlər panelindəki düymələr əsasən menyularda olan əməliyyatları daha rahat işə salmaq üçün istifadə olunur. Word proqramının element işarəsi W, uzadılmış fayl növü DOCX, DOC və ya DOT adlanır.