Personalization – İşçi masasının ayarları

Personalize – işçi masası üzərində mausun sağ düyməsini vurub bu əmri seçdikdə Windows 7 əməliyyat sisteminə temaları tətbiq etmək üçün pəncərə qarşımıza çıxır.

Biz bu bölümə daxil olmaqla istər internet üzərindən endirdiyimiz, istərsədə Windows 7 əməliyyat sisteminə məxsus temalardan istifadə edə bilərik. Ekran ayarları pəncərəsinə daxil olduqda ilk öncə qarşımıza My Themes (mənim temalarım) çıxır ki, biz buradan istifadə etməklə həm hazırlayıb yaddaşa verdiyimiz temalardan, həm də internet üzərindən endirdiyimiz temaları işçi masasının arxa fonuna tətbiq edə bilərik. Əgər internet üzərindən tema yükləmək istəyiriksə Get more themes online komandasının üzərində mausun sol düyməsini sıxmaq lazımdır. Bu zaman microsoft şirkətinin internet saytı açılacaq ki, qarşımıza çıxan temaları download (yüklə) komandasını seçməklə kompüterimizə yükləyə bilərik.

Bununla yanaşı tətbiq etdiyimiz hər hansı bir temanı yaddaşa vermək istəyiriksə Save themes komandasını seçməklə temaya fərqli bir ad verib yaddaşda saxlaya bilərik. Bunu tema üzərində mausun sağ düyməsini vurmaqla Save theme seçib də tətbiq edə bilərik. Tətbiq etdiyimiz temaları silmək istəyiriksə bunun üçün temanın üzərində mausun sağ düyməsini sıxıb delete theme (temanı sil) komandası seçməklə silə bilərik.

Bundan başqa Aero Themes bölümünə daxil olmaqla biz Windows 7 əməliyyat sisteminə məxsus temalardan istifadə edə bilərik. Bu temalara Windows 7, Architecture, Landscapes və.s misal çəkmək olar. Əgər səda və ekran ayarları yüksək olan temalardan istifadə etmək istəyiriksə bunun üçün Basic and High Contrast Themes bölümündə yerləşən temalardan birini seçməliyik.